Ibhunga elijongene nophando kwezolimo iAgricultural Research Council (ARC) laseMzantsi Afrika liza kubamba inkomfa ngethemba lokufumana iindlela amalungu eG20 anokusebenzisana ngayo malunga nezolimo.
Image: JonathanJonesCreate/Shutterstock
Ibhunga elijongene nophando ngezolimo kweli loMzantsi Afrika iAgricultural Research Council (ARC) liza kusingatha indibano yamazwe angamalungu eG20 kwizakhiwo zeli bhunga ePitoli. Ingxelo yeARC ithi le yingxoxo ejoliswe ukukhangela indlela amazwe angamalungu eG20 anokusebenzisana ngayo kwimiba yezolimo.
Iingcali zolimi eziphuma kula mazwe zizakuhlala phantsi zikhangela amacebo okuphucula nokukhulisa ezolimo kumazwe angamalungu eG20 aquka uMzantsi Afrika.
"Kuza kuxoxwa imiba esele iphawulwe ukuba yeyona ihamba phambili kumazwe angamalungu eG20 ngokweenkqubo zolimo, kukhangelwa iindlela zokuba kuqaliswa njani ukuqinisa intsebenziswano kwezolimo," itsho ingxelo yeG20.
Ngenxa yale ntlanganiso, uMzantsi Afrika uza kufumana ithuba lokuqinisa iinzame zawo zokwenziwa kophando ngqangi ngemicimbi yezolimo. Indibanisela yeG20 inamazwe ahamba phambili kuphando nzulu ngemicimbi yezolimo, oko kuza kuba likhubalo kuMzantsi Afrika, itsho ingxelo.
"Abaphandi bezolimo bamazwe angamalungu eG20 baza kufumana ithuba lokunabisa nzulu umsebenzi wabo ngokwabelana ngolwazi ukuze kukhule ezolimo kumalungu ale ndibanisela," itsho ingxelo yeG20. Ilizwe loMzantsi Afrika linenyhweba yokuba liza kusingatha ingqungquthela yamazwe angamalungu eG20 ekupheleni kwalo nyaka, oku kudala amathuba amahle oshishino kweli.
Urhulumente welizwe loMzantsi Afrka usebenza nzima ekhangela amadlelo amatsha okuthengisa iimveliso zolimo zeli lizwe ukuze kukhule uqoqosho.
Ukusukela ekupheleni konyaka ophelileyo, amagosa worhulumente bamazwe angamalungu eG20 sele kukudala ejikeleza eMzantsi Afrika ngelilungiselela le ngqungquthela yokuphela konyaka.
Related Topics: