USteenhuisen utyelele uMisizulu
Ingxaki yesifo somlo engxamele ukuxaka, ingakumbi kwiphondo laseKZN ibangele ukuba uMphathiswa wezolimo nophuhliso lwamaphandle kweli, uJohn Steenhuisen, atyelele iKumkani yesizwe samaZulu, uMisiZulu kaZwelithini.
Ingxelo ithi injongo yolu tyelelo kukukhangela amacebo okujijisana nesi sifo sihlasela amafama wephondo laseKZN.
Ingxelo ithi uSteenhuisen ukwela phondo ukuya kucenga iKumkani yamaZulu ukuba incedise kumacebo okulwa isifo somlomo kwimfuyo.
“Iphondo laseKZN lichazwe ukuba lineziganeko zokosulelwa kweempahla ezilikhulu namashumi amathathu, kutshanje kuchazwe ezibini ezitsha iziganeko,” kutsho uSteenhuisen.
Eli Sebe lithi linqwenela ukubona intsebenziswano entle phakathi kwalo kwakunye namahlakani onke achaphazelekayo kule ngxaki.
Kuthiwa uKumkani uMisizulu kaZwelithi ubonise inkxaso yakhe kweli linge ngokuthi ameme lo Mphathiswa negqiza lakhe kwifama yakhe kwaNongoma.
USteenhuisen utyelele le Kumkani ephelekwa ngamagosa aphezulu weSebe lakhe, aquka uMphathiswa wezolimo ephondweni laseKZN uThembeni Madlopha Mthethwa.
Ngenxa yentsebenziswano ayifumene kweli komkhulu lakwaZulu, uSteenhuisen uncome etyibela iKumkani uMisizulu kaZwelithini ngokuba yinkokheli engumzekelo.
Kwiveki ephelileyo ikomiti ejongene nemihlaba kwiPalamente kazwelonke ityelele ela komkhulu ukuya kusombulula ingxaki ephakathi kweKumkani kwakunye namalungu ebhodi yeNgonyama Trust.